CCV: Yurtimizda tez tibbiy yordamning yagona vertikal boshqaruv tizimi yo‘lga qo‘yiladi
Prezidentimizning “Aholiga tez tibbiy yordam ko‘rsatish tizimini takomillashtirish to‘g‘risida”gi qarori qabul qilindi.
Unga ko‘ra, Respublika tez tibbiy yordam markazi (keyingi o‘rinlarda – Markaz) va uning 14 ta hududiy filiallari tez tibbiy yordam xizmati hamda tibbiy avtoxo‘jaliklar negizida tashkil qilinadi va tez tibbiy yordamning yagona vertikal boshqaruv tizimi yo‘lga qo‘yiladi.
Ya’ni, qarorga muvofiq:
🏥 Markaz tomonidan Qoraqalpog‘iston Respublikasi, Toshkent shahri va viloyatlardagi tez tibbiy yordam faoliyatini respublika bo‘yicha muvofiqlashtiradi va nazorat qiladi;
▶️ tez tibbiy yordam xizmati xodimlari, maxsus avtotransport vositalari (ehtiyot qismlar, yoqilg‘i-moylash materiallari va boshqalar), dori va sarflash materiallari, tibbiy jihozlar bilan ta’minot Markazning hududiy filialiga o‘tkaziladi;
📈 Markaz va uning hududiy filiallarida Situasion muvofiqlashtiruvchi bo‘limlar tashkil etilib, tuman (shahar) va hududlardagi tez tibbiy yordam tizimi faoliyatini tahlillar asosida boshqaradi va takomillashtirish bo‘yicha takliflar kiritadi;
🚑 Sog‘liqni saqlash vazirligi tizimidagi avtoxo‘jaliklar tarkibidagi tez tibbiy yordam avtotransport vositalari Markazning hududiy filiallari tarkibiga o‘tkaziladi hamda avtotransport vositalariga texnik xizmat ko‘rsatish autsorsing shartnomalari asosida amalga oshiriladi;
🖥 tez tibbiy yordam avtotransport vositalarida yoqilg‘i-moylash materiallarining sarfi elektron dastur orqali nazorat qilinadi.
Shuningdek, Sog‘liqni saqlash vazirligi tomonidan bir oy muddatda:
📖 Markaz va uning hududiy filiallari ustavlari va tuzilmalari tasdiqlanadi. Bunda, Markaz direktoriga, zarur hollarda, tasdiqlangan tuzilmalarga xodimlarning cheklangan umumiy soni va ish haqi fondi doirasida o‘zgartirishlar kiritish huquqi beriladi.
