Bu hafta O‘zbekistonda ko‘p yillik me’yordan yuqori harorat bo‘lishi kutilmoqda — "O‘zgidromet"

O‘zbekiston Gidrometeorologiya xizmati joriy haftada kutilayotgan ob-havo ma’lumotini e’lon qildi.

Unga ko‘ra, bugun va hafta davomida O‘zbekiston bo‘yicha barqaror harorat fonida quruq va biroz iliq ob-havo bo‘lishi kutilmoqda. Ushbu kunlarda harorat asosan kechalari 13-18°, kunduz kunlari 29-34° atrofida bo‘ladi. Bu sentyabr oyining ushbu kunlari uchun o‘rtacha ko‘p yillik harorat qiymatlaridan biroz yuqoridir.

Faqat respublikaning tog‘li hududlarida 21 sentyabr, chorshanba kuni ba’zi joylarda yomg‘ir yog‘adi, momaqaldiroq bo‘lishi mumkin.