Britaniya sudi rossiyalik milliarder Petr Avenning mulkini muzlatishdan bosh tortdi

Buyuk Britaniya sudi Rossiyaning Ukrainadagi maxsus operasiyasi munosabati bilan mamlakat hukumati sanksiyalari ostida qolgan rossiyalik milliarder, Alfa Bank asoschisi Petr Avenning mulkini muzlatishdan bosh tortdi, deb yozadi Evening Standard gazetasi.

Avenning da’volari uning Britaniya banklaridagi 1,5 million funt sterling (1,8 million dollar) bo‘lgan shaxsiy hisob varaqlari muzlatilganligi bilan bog‘liq. Sudya Jon Zeni qarorning asosli qismida sudga vaziyatni tahlil qilish uchun ko‘proq vaqt kerakligini ta’kidladi.

Avenning akkauntlari Jinoyatchilikka qarshi kurash milliy agentligi talabi bilan bahorda bloklangan edi. Shu bilan birga, tadbirkorga oyiga 2,5 ming funt sterling sarflashga ruxsat berildi. Iyul oyida sud Avenga bloklangan hisoblardagi mablag‘lar hisobidan favqulodda xarajatlarni to‘lashga ruxsat berdi. Bankirning o‘zi oyiga 140 ming funt sterling sarflashi kerakligini ta’kidladi, bu mablag‘ning katta qismi go‘yoki uning san’at buyumlari kolleksiyasi holatini saqlab qolish uchun ketadi.

Joriy yig‘ilishda sud, shuningdek, Avenning rafiqasi Yekaterina Kozinaga qarshi tekshiruv e’lon qildi. U erining har oyda 140 ming funt sterling miqdoridagi harajatlarini to‘laganlikda gumon qilinmoqda, bu avvalroq qo‘llanilgan sanksiyalar shartlarini buzgan.