Britaniya Isroilga G‘arbiy Sohildagi aholi punktlari faoliyati uchun sanksiyalar joriy etmoqchi

Buyuk Britaniya TIV rahbari Ed Milibend Isroilning G‘arbiy sohilidagi posyolkalarda ishlab chiqarilgan mahsulotlar savdosini taqiqlashini e’lon qilish arafasida. Yangi cheklov choralari, shuningdek, aholi punktlarini qurishda qatnashayotgan kompaniyalarga nisbatan sanksiyalarni ham o‘z ichiga olishi mumkin.

AQShning Isroildagi elchisi Mayk Hakabi esa Buyuk Britaniya tomonidan e’lon qilinishi kutilayotgan sanksiyalar yuzasidan o‘z munosabatini bildirib, Vashington ham javob qadamlarini tashlashi mumkinligidan ogohlantirgan.

“Men buni Isroil hukumatiga nisbatan kamsitish deb bilaman. Bu yahudiy xalqiga qarshi qaratilgan diskriminasiya va men uning ortidagi mantiqni tushunmayapman. Bu xuddi qayerga tushishini bilmasdan turib tosh otishga o‘xshaydi. Britaniya suveren davlat, u o‘zi xohlagan ishni qilishi mumkin, ammo AQSh ham suveren davlatdir”, deya bayonot bergan elchi.