Braziliyada koronavirus qurbonlari soni 61 ming nafardan oshdi

Braziliyada Covid-19 koronavirusidan vafot etgan bemorlar soni 61 990 kishiga yetdi, oxirgi bir sutkada 1038 kishi hayotdan ko‘z yumdi. Bu haqda mamlakat sog‘liqni saqlash vazirligi xabar beradi.

Lotin Amerikasi mamlakatida 1 501 353 ta koronavirus holati tasdiqlandi. Oxirgi 24 soat ichida 46 712 ta yangi holat qayd etildi. Mamlakat koronavirus statistikasiga oid yagona yaxshi xabar: 916 147(jami kasallanganlarning 57 %i) bemor kasallikdan sog‘ayib ketdi.

Hozirda Braziliya va butun Janubiy yarim sharda koronavirusning ikkinchi to‘lqini kuzatilmoqda. JSST ham Lotin Amerikasi mintaqasini koronavirus pandemiyasining yangi o‘chog‘i sifatida e’tirof etdi.