Boris Jonson: dastlabki uch oy Britaniya tarixidagi burilish pallasi bo‘ladi

Buyuk Britaniya bosh vaziri Boris Jonson hukumatdagilarning barchasi Birlashgan Qirollikning 31 oktyabrgacha Yevropa ittifoqidan chiqishi tarafdori ekanini aytdi.

“The Independent” gazetasi saytidagi ma’lumotga ko‘ra, yangidan shakllantirilgan vazirlar mahkamasining birinchi yig‘ilishida Jonson o‘zining bosh vazirlik davridagi dastlabki uch oy Britaniya tarixidagi burilish pallasi bo‘ladi, deb ta’kidlagan.

Eslatib o‘tamiz, payshanba kuni yangi bosh vazir vakillar palatasida chiqish qilib ustuvor vazifalarni bayon qilgandi.