Bomba borligi aytilgan samolyot O‘zbekistonga qo‘ndi

Rossiya poytaxti Moskvadan 240 nafar yo‘lovchisi bo‘lgan Goa oroliga yo‘l olgan charter reys shanba oqshomida bomba tahdidi ortidan O‘zbekistonga majburan qo‘ndirildi.

Ma’lumotlarga ko‘ra, parvoz ertalab soat 4.15 da Janubiy Goadagi Dabolim aeroportiga qo‘nishi kerak edi.

"Azur Air" aviakompaniyasi tomonidan amalga oshirilgan (AZV2463) reysi Hindiston havo hududiga kirgunga qadar boshqa tomonga burilgan.

«Dabolim aeroporti direktori tomonidan soat 12.30 da samolyotga bomba o‘rnatilgani haqida yozilgan elektron xat kelib tushganidan so‘ng u boshqa tomonga yo‘naltirildi», deyiladi manbada.

Hodisa Moskva-Goa reysi Gujaratning Jamnagar aeroportiga bomba tahdidi ortidan favqulodda qo‘nganidan deyarli ikki hafta o‘tib sodir bo‘lgan.