Bolgariyaliklarga Rossiyaga sayohat qilmaslik tavsiya qilindi

Bolgariya fuqarolariga Rossiyaga sayohat qilishdan qaytarmoqda. Bu haqda Bolqon Respublikasi tashqi ishlar vazirligi bayonotida aytiladi, deb xabar beradi Bolgariya milliy radiosi

“Bolgariya tashqi ishlar vazirligi vaziyatning keskinlashgani sababli Rossiya Federasiyasiga sayohat qilmaslikka chaqiradi. Rossiyadagi Bolgariya fuqarolariga hozirda mavjud transport vositalari bilan mamlakatni zudlik bilan tark etish imkoniyatini ko‘rib chiqish tavsiya etiladi”, — deyiladi agentlik xabarida.

Rossiyada qolishga qaror qilgan bolgarlarga hushyor bo‘lish, gavjum joylardan qochish va voqealarni diqqat bilan kuzatish tavsiya etiladi.