Bernhem Trampning Irlandiyaning birlashishi haqidagi bayonotiga javob qaytardi

AQSh prezidenti Donald Trampning birlashgan Irlandiya haqidagi bayonoti ortidan Buyuk Britaniya bosh vaziri Endi Bernhem Irlandiyaning birlashishi masalasidagi pozisiyasi o‘zgarmaganini ma’lum qildi.

Bernhemning idorasi vakili bosh vazirning Irlandiya birlashuvi masalasidagi avvalgi bayonoti hali ham o‘z kuchida ekanini aytgan.

Buyuk Britaniya bosh vaziri 9 sentyabr kuni parlamentda deputatlarning Shimoliy Irlandiyada Irlandiya Respublikasi bilan birlashish masalasida referendum o‘tkazilishi ehtimoli haqidagi savollariga javob bergan edi.

"Men yana bir referendum o‘tkazilishini qo‘llab-quvvatlaydigan jamoatchilik ko‘pchiligi borligidan xabarim yo‘q. Bu o‘zgarmaguncha, bunday referendum bo‘lmaydi" , — degandi Bernhem.