"Barselona" ayollari "Real"ni tor-mor etdi
Kecha, 1 oktyabr kuni Ispaniya ayollar Superligasining 4-tur uchrashuvi bo‘lib o‘tdi va unda “Barselona” "Real"ni 7:0 hisobida mag‘lub etdi.
Hisobni 22-daqiqada kataloniyaliklar hujumchisi Karolin Xansen ochdi. 59-daqiqada Marion Kaldentey hisobni 2:0 ko‘rinishiga keltirdi. Keyin braziliyalik futbolchi Geise jamoasining uchinchi golini urdi. 65-daqiqada Marion Kaldentey ushbu uchrashuvda dubl qayd etdi. 68-daqiqada Geise ham dubl amalga oshirdi. 77-daqiqada Ana-Mariya Srnogorchevich tennisga hisobini yuzaga keltirdi va oradan roppa-rosa bir daqiqa o‘tib o‘yinda dubl qayd etdi va uchrashuvning yakuniy natijasini o‘rnatdi - 7:0.
Ushbu g‘alabadan so‘ng “Barselona” uch o‘yindan so‘ng to‘qqiz ochko jamg‘arib, chempionatda ishonchli peshqadamlik qilmoqda. "Ko‘k-anorranglilar" tomonidan kiritilgan va o‘tkazib yuborilgan gollar statistikasi - 13:1.
