Bandixonda yana 3,5 km yo‘l asfaltlanadi

Bandixon tumanida aholi uchun qulay va obod muhit yaratish borasidagi ishlar izchil davom etmoqda.

Oliy Majlis Qonunchilik palatasi deputatlari Shoira Rajabova hamda Baxtiyor Po‘latov tashabbusi bilan Bandixon tumanidagi Bag‘rikeng mahallasidan o‘tib, Obod yurt mahallasini bog‘lovchi Navro‘z sayli, Shodlik hamda Ziyolilar ko‘chalarining 3 500 metr qismiga asfalt qoplamasi yotqizish bo‘yicha tanlov o‘tkazilib, g‘olib deb topildi.

Endi mazkur ko‘chalarda zamonaviy asfalt qoplamasi yotqizilib, aholi uchun yanada qulay, ravon va xavfsiz harakatlanish sharoiti yaratiladi.

Bu kabi amaliy ishlar — mahallalar obodligi, aholi turmush farovonligi va hudud infratuzilmasini yaxshilashga qaratilgan muhim qadamdir.

Obod ko‘cha — obod mahalla, obod mahalla — farovon hayot!