BAAning sharqida Hormuzni chetlab o‘tish uchun yangi port va terminal quriladi

Dubayning davlat kompaniyasi DP World, BAAning sharqida neft va boshqa tovarlarni Hormuz bo‘g‘ozini chetlab o‘tib tashish uchun yangi ko‘p funksiyali port va konteyner terminalini quradi.

Bu haqda The Financial Times (FT) kompaniya vakiliga tayanib xabar berdi.

Ta’kidlanishicha, Fujayra qirg‘oq hududidagi yangi infratuzilma amirlikning o‘zining asosiy markazi Jebel Aliga qaramligini kamaytiradi. AQSH-Eron mojarosining kuchayishi ortidan mintaqadagi eng yirik konteyner porti Jebel Alidagi faollik 90-95% ga pasaydi. Bu DP Worldni xalqaro hamkorlariga yetkazib berish uchun muqobil variantlarni izlashga undadi.

"Bizning o‘z rejamiz bor va biz DP World nuqtai nazaridan sharqiy sohilda imkoniyatlarni faol ravishda o‘rganmoqdamiz. Bu biror narsa noto‘g‘ri bo‘lib qolsa, sug‘urta chorasi turidir", deb ta’kidladi kompaniya.

Yangi loyiha DP World kompaniyasining Ummon ko‘rfazidagi faoliyatini kengaytiradi, konteynerlarga Hormuz bo‘g‘ozidan o‘tmasdan mamlakatga kirish va chiqish imkonini beradi, shundan so‘ng ular quruqlik orqali Dubay, Abu-Dabi va qo‘shni Fors ko‘rfazi mamlakatlariga yuk mashinalari orqali tashiladi.

Kompaniya vakili loyiha hali yakunlanmaganligini va BAA rasmiylari bilan muzokaralar davom etayotganini aniqlik kiritdi. Biroq, agar yakuniy tasdiq olinsa, uni amalga oshirish o‘n sakkiz oydan oshmaydi.