BAA Sudandagi xatoni tan oldi

BAA prezidentining maslahatchisi Anvar Gargash Sudandagi harbiy to‘ntarishni qo‘llab-quvvatlab, «jiddiy xatoga yo‘l qo‘yishganini» tan oldi. Uning so‘zlariga ko‘ra, ikki sudanlik general rasmiy hukumatni ag‘darganida hamma noto‘g‘ri qaror qabul qilgan: «Orqaga nazar solsak, bu katta xato bo‘lgan. Biz o‘sha paytda o‘z pozisiyamizni qat’iyroq turib himoya qilishimiz kerak edi», — dedi Gargash.

Bu bayonot Darfurdagi zo‘ravonliklar va BAA qo‘llab-quvvatlayotgan tezkor kuchlar (RSF)ning harakatlari fonida yangradi. Xalqaro hamjamiyat esa Abu-Dabining Sudan mojarosidagi roli ustidan tanqidni kuchaytirmoqda. BAA Sudandagi generallarga yordam berib, bir nechta hududlarda Rasmiy hukumat nazoratini yiqitgan edi. Bugun esa o‘sha hududlarda yana bir genosid o‘chog‘i paydo bo‘lgan.