Armanistondagi saylovlar vaqtida otishma sodir bo‘ldi

Armanistonning Ararat viloyatidagi saylov uchastkasida otishma bo‘lib o‘tdi, deb xabar beradi Interfaks polisiyaga tayanib.

"Ararat viloyati, Azatashen qishlog‘ida, 11/11 saylov uchastkasi yaqinida o‘q uzildi", deyiladi xabarda.
Polisiya mojaro ikki partiya tarafdorlari o‘rtasida sodir bo‘lganligini aniqladi. O‘q otilgan gazli avtomat musodara qilindi. Huquq-tartibot idoralari tergovni boshladi.

20 iyun kuni Armanistonda muddatidan oldin parlament saylovlari bo‘lib o‘tmoqda, unda 21 partiya va to‘rt blok ishtirok etadi.