AQShda juda kam uchraydigan banknot 480 ming dollarga sotildi

AQShda juda kam uchraydigan 10 ming dollarlik banknot 480 ming dollarga sotildi.

U 1934 yilda Buyuk Depressiya davrida sotuvga chiqarilgan va Dallasdagi auksionda kimoshdi savdosiga qo‘yilgan, ammo u hech qachon pul almashinuvida ishlatilmagan. Banknotda prezident Linkoln davrida g‘aznachilik kotibi lavozimda ishlagan Salmon P. Cheyzning yuzi tasvirlangan.

Kimoshdi savdo uyining valyuta bo‘yicha vise-prezidenti Dastin Jonstonning aytishicha, yirik nominaldagi pullar har doim barcha darajadagi kollektorlarning qiziqishini o‘ziga tortgan.

Uning so‘zlariga ko‘ra, bu nusxa 1934 yilda chiqarilgan 100 000 dollarlik oltin sertifikatdan keyin ikkinchi o‘rinda turadi.