AQSh Rossiyani Yelsin davridagi yopiq Rossiyaga aylantirmoqchi – OAV

Qo‘shma Shtatlar Rossiya prezident Boris Yelsin davridagidek yana yopiq davlatga aylanishini orzu qiladi. Bu haqda Turkiyaning Anadolu agentligi jurnalisti Ilyos Kemaloglu yozmoqda.

Uning fikriga ko‘ra, Jo Baydenning AQShda hokimiyat tepasiga kelishi Rossiya bilan munosabatlarda keskinlikning yangi bosqichini oldindan belgilab berdi. Sabablaridan biri – Amerikaning sobiq rahbari Donald Tramp hukmronligi davrida Yaqin Sharqdan Kavkazgacha bo‘lgan katta hududda Moskva ta’sirining kuchayishi.

Muallif, shuningdek, Vashington Rossiya va Turkiya o‘rtasida yaqin hamkorlikning rivojlanishini istamasligini, uni Moskvaga qarshi izolyasiya va sanksiyalar orqali zaiflashtirishga urinayotganini ta’kidladi.

Muntazam ravishda yangi cheklov choralariga qaramay, Vashington o‘z manfaatlari asosida Moskva bilan hamkorlik qilishga tayyorligini ta’kidlamoqda. Jurnalist bunga misol sifatida AQShning Yevropa Ittifoqiga bosimini "Shimoliy oqim 2" loyihasini amalga oshirishning oldini olish va bir vaqtning o‘zida Rossiyadan 2020 yilda neft sotib olish hajmining ko‘payishini keltirdi.

Kemaloglu, so‘nggi paytlarda Bolgariya va Chexiyadan rossiyalik diplomatlarning chiqarib yuborilishi Rossiyani "jazolamoqchi" bo‘lgan AQSh harakatlarining natijasi deb hisoblaydi.

Shunday qilib, muallif Vashington Rossiyani "Boris Yelsin davrlari mamlakati"ga aylantirmoqchi, ya’ni uning jahon miqyosidagi faolligini pasaytirmoqchi degan xulosaga keladi. Biroq, ekspert Moskvaning harbiy, kosmik va energetika sohalarida, shuningdek, yadro energetikasi va tibbiyot sohasidagi qudratini ta’kidlab, buni ehtimoldan yiroq deb hisoblaydi.