Andijonda tovlamachilik yo‘li bilan 300 AQSh dollarini olmoqchi bo‘lgan shaxs ushlandi
Joriy yilning 14 aprel kuni Andijon viloyati IIB JQB Korrupsiya va iqtisodiy jinoyatlarga qarshi kurashish bo‘limi xodimlari tomonidan o‘tkazilgan tezkor tadbir davomida fuqaro S.R tanishi U.M orqali Andijon shaharda tovlamachilik yo‘li bilan ayol U.A ishtirok etgan intim videotasvirlarni ko‘rsatib, ushbu tasvirlarni ijtimoiy tarmoqlarga tarqatib yuborish bilan qo‘rqitib, 300 AQSh dollari miqdoridagi pullarni olgan vaqtda tadbir ishtirokchilari tomonidan ashyoviy dalillar bilan ushlandi.
Mazkur holat yuzasidan Andijon shahar bo‘yicha IIOFMB huzuridagi Tergov bo‘limi tomonidan O‘zbekiston Respublikasi Jinoyat Kodeksining 165-moddasi 2-qismi bilan jinoyat ishi qo‘zg‘atilib, ayblanuvchilar JPKning 221-moddasi tartibida ushlandi, hozirda tergov harakatlari olib borilmoqda.
