Andijonda 23 yoshli talaba yotoqxonada o‘zini osdi
Andijonda 23 yoshli talaba yotoqxonada o‘zini osdi. Bu haqda Bosh prokuratura matbuot xizmati "Aniq.uz"ga ma’lum qildi.
Manbaga ko‘ra, joriy yilning 5 avgust kuni Toshkent viloyati Bo‘ka tumanida 1999 yilda tug‘ilgan Q.D. Andijon mashinasozlik instituti talabalar yotoqxonasiga bir o‘zi kelib, tunab qolib ertasi kuni soat 09:30 larda yotoqxonaning xojatxonasi eshigiga kabel simidan sirtmoq yasab, o‘zini osib o‘z joniga qasd qilgan.
D.Q.ning o‘z joniga qasd qilganligi holati bo‘yicha o‘lim sababini aniqlash yuzasidan sudga oid tibbiy hamda sud-biologik ekspertizasi tayinlangan.
Shahar prokuraturasi tomonidan marhumning o‘z joniga qasd qilishi sabablari aniqlanmoqda. Tergovga qadar tekshiruv harakatlari davom ettirilmoqda.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
