«An-Nasr» endi Modrichga da’vogar
«Real» yarimhimoyachisi Luka Modrich qishki transfer oynasida Saudiya Arabistoniga ko‘chib o‘tishi mumkin.
Saudiyaning Okaz nashri xabariga ko‘ra, Ar-Riyod klubi Krishtianu Ronaldudan keyin xorvatiyalik yarimhimoyachi bilan shartnoma imzolashni rejalashtirmoqda. «An-Nasr» Modrichga yiliga 40 million yevroli 2,5 yilga mo‘ljallangan shartnoma taklif qilmoqda.
«Real» qishki transfer oynasida Modrichni sotishni rad etsa, arab klubi xavbekni yozda erkin agent sifatida taklif etish masalasini ko‘rib chiqadi.
Ma’lumot o‘rnida, Modrich joriy mavsum La Ligada 16 o‘yinda 3ta gol va 2ta assistga mualliflik qilgan.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
