Abu Rayhon Beruniy tavalludining 1050 yilligi UNESCO ishtirokida nishonlanadi

Abu Rayhon Beruniy tavalludining 1050 yilligi UNESCO ishtirokida nishonlanadi

2022-2023 yillarda buyuk ajdodimiz – yirik olim va faylasuf Abu Rayhon Beruniy tavalludining 1050 yilligi UNESCO (Birlashgan Millatlar Tashkilotining ta’lim, ilm-fan va madaniyat masalalari bo‘yicha maxsus tashkiloti) ishtirokida nishonlanadi. Bu haqda O‘zbekiston Respublikasi Turizm va sport vazirligi xabar berdi. 

UNESCO ishlari bo‘yicha O‘zbekiston Respublikasi Milliy Komissiyasi raisi Aziz Abduxakimovning ma’lum qilishicha, UNESCO Ijroiya kengashi 211-yig‘ilishi doirasida shunga oid qaror tasdiqlangan.

Ta’kidlash joizki, ushbu taklif O‘zbekiston Respublikasi tashabbusi bilan Tojikiston, Eron va Turkiya davlatlari yordamida ishlab chiqilgan edi. Endi esa mazkur masala joriy yilning noyabrida Fransiyaning Parij shahrida bo‘lib o‘tadigan UNESCO  Bosh anjumani 41-yig‘ilishida tasdiqlash uchun kiritiladi.

“Mamlakatimizning UNESCO bilan kengayib borayotgan hamkorligidagi yana bir muhim qadami bilan hammani chin qalbimdan tabriklayman”, - deydi Aziz Abduhakimov.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!