Toshkent viloyati shaharlar soni bo‘yicha mamlakatimizda birinchi o‘rinda turadi- Shavkat Mirziyoyev
Ushbu shaharlar mamlakatimiz poytaxti bilan uzviy bog‘langan holda rivojlanadi, dedi nomzod. Uning rejasiga ko‘ra,
- Nurafshon shahri yaqin 10 yilda kamida 200 ming aholi yashaydigan, zamonaviy va aholi uchun qulay, ta’lim, tibbiyot va biznes markazi bo‘lgan shaharga aylantiriladi.
- Shaharda 30 ming aholiga mo‘ljallangan turar joy massivi barpo etilib, unda 5 ta maktab, 12 ta bog‘cha, 2 ta oilaviy poliklinika va jamoat parki quriladi.
- 15 ming talabaga mo‘ljallangan Nurafshon davlat universiteti tashkil etiladi.
- Davlat-xususiy sheriklik asosida 150 million dollarlik zamonaviy ko‘p tarmoqli tibbiyot markazi barpo etiladi.
- Nurafshon shahridan poytaxtga olib boruvchi yo‘llar kengaytirilib, alohida yo‘lakda tezyurar elektrobuslar qatnovi (BiArTi) tashkil etiladi. 2 ta shahar o‘rtasida ish va o‘qishga qatnaydigan aholi uchun qulay va muntazam transport qatnovi yo‘lga qo‘yiladi.
- Olmaliq, Chirchiq, Angren, Bekobod, Ohangaron va Yangiyo‘l shaharlari hududi kengaytirilib, har birida “Yangi O‘zbekiston” uy-joy massivlari, ijtimoiy ob’ektlar va “yashil maydonlar” barpo etiladi.