Universal Pictures кинокомпанияси «Форсаж» франшизасини иккита финал картина билан тамомлайди. Ҳозирда «Форсаж 9» устидаги ишларини якунлаётган Жастин Лин студия билан сўнгги иккита қисмни яратиш устида музокаралар олиб борилмоқда.

Бу ҳақда "korrespondent.uz"ёзмоқда.

«Форсаж 9» 2020 йилнинг биринчи ярим йиллигида тақдим этилиши керак эди, бироқ коронавирус пандемияси сабаб унинг намойиши 2021 йил баҳорига кўчирилди.

Тўққизинчи қисмдаги воқеалар фильмнинг бундан олдинги қисмида содир бўлган ҳодисаларнинг давоми сифатида бошланади. Доминик Торетто (Вин Дизель) анчадан буён иш билан шуғулланмай қўйган ва яхши оилапарвар инсонга айланган. Бироқ унинг тинч ҳаётига кутилмаганда Сайфер исмли (Шарлиз Терон) кибертеррорчи аралашади. Жиноятчи ўзининг туғишган укаси Жейкобдан (Жон Сина) фойдаланиб, барча омадсизликлари учун бош қаҳрамондан қасос олишга уринади.

Эслатиб ўтамиз, 2018 йилда Дуэйн Жонсон «Форсаж»нинг янги қисмида суратга тушишни истамаётгани ва бунга Вин Дизель билан ўрталаридаги келиб чиққан ихтилоф сабаб бўлгани тўғрисида хабар берилганди.