Гамалея маркази директори Александр Гинцбург тиббий ниқоблардан қачон бутунлай воз кечиш мумкинлигини маълум қилди.

Унинг сўзларига кўра, вакцина оммавий қўлланилганидан кейин тахминан бир ой ўтгач, тиббий ниқобларга ҳожат қолмайди.

“Ҳар қандай бегона антигенга қарши антитаначалар даражаси, эмлаш жараёнидан сўнг 21-28 кун ичида максимал ҳолатга келади. Шунга асосланиб эмланиш жараёнидан 1ой ўтгач, тиббий ниқоблардан бутунлай воз кечиш мумкин бўлади”, демоқда мутахассис.

Унинг таъкидлашича, агар одамнинг антитаначалари уни ҳимоя қилиш учун етарли бўлмаса, унда ниқоб тақишни давом эттириш яхшироқдир.