Aмерика президенти Дональд Трампнинг собиқ севгилиси ва рафиқаси Меланиянинг собиқ ёрдамчиси Стефани Уинстон-Волкофф биринчи хоним ниқоб остида яширинаётганини айтди.

"Омма учун Оқ уй раҳбарининг рафиқаси "сир" бўлиб туюлади, у умуман кўринмай қолди ва одамлар унинг 45-президент билан ҳаёти шунчалик сокинми, деб ҳайрон бўла бошладилар, – деди Уинстон-Волкофф. – Мелания ўлганми ёки уй қамоғидами, ёки у ажрашиш тўғрисида ариза ёзишни хоҳлаяптими, буларнинг барчасини аниқлашга ҳаракат қиляпмиз".

Aслида, Стефанининг сўзларига кўра, биринчи хоним ҳам Трамп каби манипулятив. Уинстон-Волкофф словениялик (Меланиянинг қизлик фамилияси Кнавс) Мелания ўзи ва оиласининг бизнес ва молиявий манфаатларини рағбатлантириш учун Трамп билан никоҳга рози бўлганини айтди. "Меланиянинг сўнгги 20 йили жуда динамик эди: ёш, шу пайтгача эътиборга олинмаган моделдан тортиб, Дональд билан учрашиш, ўғил туғиш, AҚШ фуқаролигини олиш — ва энди 10 йилдан сўнг у мамлакатнинг биринчи хоними!" — деди собиқ ёрдамчи.

Стефани, шунингдек, биринчи хонимнинг ўгай қизи, Трампнинг отаси билан ёнма-ён туришга интилган, амбицияли қизи Иванка билан Меланиянинг муносабатлари "заҳарли" эканлигини тасдиқлади.