Ливан Президенти Мишель Наим Аун 4 август куни Байрут портида содир бўлган кучли портлаш сабаби ҳали аниқланмаганлигини маълум қилди.

"Ташқи кучларнинг иштироки, ракета ёки бомба ишлатилган бўлиши мумкинлиги ҳақидаги қарашлар эса истисно қилинмаяпти", дея таъкидлаган Ливан президенти.

Аввалроқ, Байрутда юз берган портлашга портда сақланган селитра сабаб бўлганлиги ҳақида хабар берилган эди.

Фожиа натижасида 150 дан ортиқ одам портлаш қурбонига айланди, яна 5 мингга яқин киши жароҳат олди.