АҚШ ҳарбийлари 1952 йилда Аляскада юз берган самолёт ҳалокати қурбонлари қолдиқларининг янги қисмларини топишди, деб ёзади АP.

Олиб борилган қазишмаларда йўловчиларга тегишли буюмлар: Будда ҳайкалчаси, учиш костюми, бир неча уч сантиметрлик почта маркалари аниқланган.

Маълумот ўрнида, Вашингтон штатидан Аляскага учган C-124 Globemaster ҳарбий самолёти 22 ноябрь куни Анкориж шаҳри яқинидаги Гэннетт тоғига қулаб тушган. 41 йўловчи ва 11 экипаж аъзоси ҳалок бўлган.

Қайд этилишича, бугунги кунга қадар 43 кишининг жасадини топишга муваффақ бўлинган.