Беларусь президенти Александр Лукашенконинг таклифига кўра Шавкат Мирзиёев 31 август куни “Заславль” давлат резиденциясида бўлди. Бу ҳақда Беларусь президенти матбуот хизмати хабар тарқатди, деб ёзмоқда "uznews".

Икки давлат раҳбари аввал резиденция ҳудудида сайр қилишган, кейин эса ўзаро совға алмашишган. Лукашенко Мирзиёевга “Беларус” панноси ва миллий каштадўзлик намунасини ҳадя қилган. Кенжа ўғли Николай эса Ўзбекистон Президентига зубр ҳайкалчасини совға қилган.

Шавкат Мирзиёев эса хоккейчи ҳайкалини, яъни Лукашенконинг хоккейчи қиёфасидаги ҳайкалини совға қилди.

Таъкидлаш керакки, президентлар норасмий мулоқот қилишган. Учрашув ўзбек нақшинкор усталари томонидан ўйиб ишланган шийпончада ўтказилган.